........چاہتوں کے سمندر کے باسی .....اشرف عاصمی کے زیر طبع ناول خواہشوں کا سمندر سے اقتباس

چاہتوں کے سمندر کے باسی

چاہتوں کے سمندر کی آرزو میں سرگرداں رہنے کی سعی عاشق اور محبوب دونوں کے لیے امتحان ہے۔ عشق کا مطلب اپنی ذات کی نفی اور محبوب کی طلب ہے۔ جب اپنے آپ کو ہی سر بلند رکھنے کی حرص پیدا ہو جائے تو وہ پھر عشق نہیں بلکہ کاروبا ر بن جاتا ہے۔ اور عشق کی دکانداری ہونا شروع ہوجاتی ہے پھر نہ تو راہبر کی تکریم پیش نظر رہتی ہے اور نہ ہی اُس کی چاہت کی شدت کا سفر جاری رہتا ہے ۔ یوں عاشق ہونے کا دعویٰ ہو ا ہوجاتا ہے۔محبوب تک پہنچ تو دور کی بات عاشق توخود تک بھی نہیں پہنچ پاتا۔محبوب کو بھی عاشق کے جذبات کی لوٰ کی حدت کا بھرم رکھنا ہوتا ہے۔ امتحان اکیلے عاشق کا نہیں محبوب کا بھی ہوتا ہے۔ محبوب کا امتحان عاشق سے کئی گُنا زیادہ کڑھا ہوتا ہے۔ عاشق نے اپنے محبوب کو خود میں پناہ جو دینا ہوتی ہے۔ 

اشرف عاصمی کے زیر طبع ناول خواہشوں کا سمندر سے اقتباس